ರತ್ನಾಗಿರಿ: ಚಾಕಲೇಟ್ ಅಂತ ಪಟಾಕಿ ತಿಂದು 5 ವರ್ಷದ ಮಗು ಸಾವು

JNANASELE

ರತ್ನಾಗಿರಿ: ದೀಪಾವಳಿ ಹಬ್ಬದ ಸಂಭ್ರಮದಲ್ಲಿ ಪಟಾಕಿ ಸಿಡಿಸಿ ಮಕ್ಕಳು ಸೇರಿದಂತೆ ಸುಮಾರು 20 ಮಂದಿ ಆಸ್ಪತ್ರೆಗೆ ದಾಖಲಾಗಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಮತ್ತೊಂದೆಡೆ ಮಹಾರಾಷ್ಟ್ರದ ರತ್ನಾಗಿರಿಯಲ್ಲಿ ಐದು ವರ್ಷದ ಮಗವೊಂದು ಚಾಕಲೇಟ್ ಅಂತ ತಪ್ಪಾಗಿ ತಿಳಿದು ಪಟಾಕಿಯನ್ನು ತಿಂದ ಪರಿಣಾಮ ಸಾವನ್ನಪ್ಪಿರುವ ಘಟನೆ ಬುಧವಾರ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಖೇಡಾದ ಟಿಸಾಂಗಿ ಗ್ರಾಮದದಲ್ಲಿ ಮನೆಯ ಹೊರಭಾಗದಲ್ಲಿ ದಾಮಿನಿ ನಿಕಮ್ (5ವರ್ಷ) ಆಟವಾಡುತ್ತಿದ್ದ ಸಂದರ್ಭದಲ್ಲಿ ನೆಲದ ಮೇಲೆ ಬಿದ್ದಿದ್ದ ಪಟಾಕಿಯನ್ನು ಚಾಕಲೇಟ್ ಅಂತ ಭಾವಿಸಿ ತಿಂದು ಬಿಟ್ಟಿದ್ದಳು. ನಂತರ ಪ್ರಜ್ಞೆ ತಪ್ಪಿ ಬಿದ್ದಿದ್ದ ಮಗುವನ್ನು ತಾಯಿ ಕೂಡಲೇ ಆಸ್ಪತ್ರೆಗೆ ದಾಖಲಿಸಿದ್ದರು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ದಾಮಿನಿ ಸಾವನ್ನಪ್ಪಿರುವುದಾಗಿ ವರದಿ ತಿಳಿಸಿದೆ.